Молитва по соглашению о благополучном созидании храма блж. Матроны Московской в кургане, мкр. Глинки. Молитву следует читать по возможности, каждый четверг в 20:00.
Спаси, Господи!
Господи Иисусе Христе, Сыне Божий, Ты бо рекл еси пречистыми усты Твоими: «Аминь, глаголю вам, яко аще двое от вас совещаются на земли о всякой вещи, ея же аще просите, будете иметь от Отца Моего, Иже на небесех: где же два или трое собрани во имя Мое, ту есмь Аз посреде их». Непреложны словеса Твоя, Господи, милосердие Твое безприкладно и человеколюбию Твоему несть конца. Сего ради молим Тя: даруй нам, рабом Твоим, согласившимся просить Тя о благополучном созидании храма блж. Матроны Московской, исполнения нашего прошения. Но обаче не якоже мы хотим, но якоже Ты. Да будет во веки воля Твоя. Аминь
Молитва блж. Матроне
О блаженная мати Матроно, душею на небеси пред Престолом Божиим предстоящи, телом же на земли почивающи, и данною ти свыше благодатию различныя чудеса источающи. Призри ныне милостивным твоим оком на ны, грешныя, в скорбех, болезнех и греховных искушениих дни своя иждивающия, утеши ны, отчаянныя, исцели недуги наши лютыя, от Бога нам по грехом нашим попущаемыя, избави нас от многих бед и обстояний, умоли Господа нашего Иисуса Христа простити нам вся наша согрешения, беззакония и грехопадения, имиже мы от юности нашея даже до настоящаго дне и часа согрешихом, да твоими молитвами получивше благодать и велию милость, прославим в Троице Единаго Бога, Отца, и Сына, и Святаго Духа, ныне и присно и во веки веков. Аминь
Молитва за благотворителей
Господи Боже наш, во Святей Троице славимый и поклоняемый, Отче, и Сыне, и Душе Святый! Помяни, благотворителей и благоукрасителей святого храма нашего блж. Матроны Московской, (имена) их же Ты Сам ведаеши!
Живущим ныне подаждь долгоденственное и мирное житие, благослови дела рук их, да под кровом Твоим сохраняеми поживут во благочестии и чистоте многая и благая лета.
Усопших же (имена) души упокой во благих селениих Твоих, идеже несть болезнь, ни печаль, ни воздыхание, но жизнь бесконечная и сотвори им вечную память.
Нас же научи достойно славити и благодарити Тя о велицех благодеяниих Твоих, и да познают вси людие, яко свято имя Твое, Отца и Сына и Святаго Духа. Аминь
(457)
